Jan Main di Rel: Mananti Wakatu Babuko, Naiak Kereta Dulu

Ko nyo kereta untuak jalan-jalan manunggu wakatu babuko. (sumbarprov.go.id)



PADANG-Kini ado caro yang bisa ditampuah untuak manunggu wakatu babuko. Daripado duduak-duduak di rel, rancak bae bana naik kereta dulu. Kini lah ado kereta nan bajalan manjalang sanjo.



Ado tigo rute nan bisa dimanfaatkan.  Kapalo Humas Humas PT KAI Divisi Regional II Sumatera Barat Ujang Rusen Permana, manyabuikkan, warga Sumbar kini bisa menikmati keindahan sore. Caronyo, jalan-jalan jalang sanjo jo kereta api. 


Ado tigo rute nan tasadio. Masiang-masiang, KA Lokal Sibinuang relasi Padang - Pariaman-Naras PP. Ado lo KA Minangkabau Ekspres relasi Stasiun Bandara Internasional Minangkabau-Pulau Aie PP. 


Nan katigo, kereta Lembah Anai, relasi Stasiun Bandara Internasional Minangkabau-Stasiun Kayu Tanam. 


Dikatokan Rusen, Selasa (20/4/2021), ongkoih jalan-jalan tu cukuik tajangkau. mulai dari Rp3 ribu hinggo Rp10 ribu. 


Tiketnyo pun bisa dipasan secaro online melalui aplikasi KAI Access untuak tujuah  hari jalang kabarangkatan. Dunsanak juo bisa mambali langsuang di stasiun, yang dilayani tigo jam jalang kabrangkatan.


Dikatokan, Rusen di masa pandemi ko, pangguno kereta api harus tatap mamatuhi protokol kesehatan nan alah ditetapkan, seperti kewajiban mamakai masker, suhu tubuh indak labiah dari 37.3 derajat celsius, manjago jarak dan selalu mancuci tangan dengan memanfaatkan fasilitas wastafel portabel di stasiun.


Manuruik Rusen, jo makin maningkeknyo antusias masyarakat mamanfaatkan perjalanan jo kereta api untuk mananti babuko, bisa mangurangi aktivitas warga di jalur kereta.


Manuruik Rusen, indak bisa dipungkiri, pada ramadan, di babarapo tampek, banyak masyarakat nan mahabihkan wakatu menunggu babuko dengan bamain di jalur kereta api. Hal iko mambahayokan diri sendiri dan urang lain. Taganggu pulo pajalanan kereta. 


Dalam aturan lah dijalehkan, satiok urang dilarang barado di ruang manfaat jalur kereta api; menyeret, menggerakkan, malatakkan atau memindahkan barang di atas rel atau melintasi jalur kereta api; atau manggunokan jalur kereta api untuak kepentingan lain, selain untuak angkutan kereta api.


Masyarakat dilarang bakagiatan di jalur kereta api, misalnyo bermain atau hanyo duduak-duduak menghabiskan waktu sambil menunggu wakatu babuko.


Palanggaran pado aturan ko, bisa masuak kandang situmbin paliang lamo tigo bulan atau dando paliang banyak Rp15 juta. Gadang pitih he tumah, rancak barayo lai jo pitih sabanyak itu. 


(berita ini alih bahasa dari berita yang sama di laman pemprov sumbar. Berita ini memenuhi permintaan perantau yang menginginkan liputankini.com sesekali menampilkan berita berbahasa Minang)

Posting Komentar (0)
Lebih baru Lebih lama